top of page

Wassertropfe, Wasserfarbe

Aktualisiert: 24. Sept. 2023

Der Morgen dämmert. Wasserperlen spicken die Fensterscheibe des Cars, kleine Tropfen aus Licht vor dem noch dunklen Himmel. Mehr Lichter glühen in der Ferne, wo sich Brücken über Flüsse und Seen spannen; wo sich allmählich erwachende Ortschaften an Berghänge schmiegen. Wir fahren weiter, und schwarze Felsen türmen sich neben der Strasse auf zu Bergen, deren Gipfel sich im Nebel verlieren. Silbrig schimmernde Fasserfälle fallen an dunklem Gestein entlang in die Tiefe. Wiesen aus goldenem Gras wiegen im Wind, werden hier und da von satt grünen Nadelwäldern abgelöst. Stunden später tut sich das Meer vor uns auf - aufgewühlte Wasserwogen, Wellen, die am Ufer zerschellen, weisse Schaumkronen, vom Wind gepeitscht, auf der Wasseroberfläche, die blau und türkis leuchtet. Hier und da ein gleissender warmer Fleck, wenn die Sonne durch die Wolken bricht.



10 Stunde Busfahre si nie bsunders toll, aber dismau isch emu dSzenerie usse am Fenschter teilwis würklech atemberoubend gsi. Dr Text obe beschribt mini Carfahrt vo Tromsø bis zumne abglägene Hostel uf de Lofote - Insle wo berüemt si für iri unverglichlechi Landschaft. Dzyt hani mir vertribe mit Nutellabrot ässe, Musig lose, usem Fenschter luege und möglechscht immer genau denn umstige, wos wider het afah abeläre, so dass mi kuschlig Woupulli und au mis Gepäck regumässig isch dürnässt worde.




D'Lofote si ou tatsächlech wunderschön gsi, mitem chliine Problem dasi off-season und vorauem am Wuchenendi bi dert gsi - bedütet: Keni Toure, und nur sehr wenigi Busse, so das me chum a eim Tag nöime häre und widr zrügg cho isch. Scho ä Läbensmittulade z'erreiche, ohni ei Weg 3 Stund drfür müesse zloufe, het sech aus Useforderig dargsteut. Weni nomau derthäre würd wöue, würdi definitiv mitem Outo wöue ungerwegs si - und i wott unbedingt mau im Winter derthäre zrügg, zum di schneebedeckti Bärglandschaft zbewundere.



Nach Norwege wäri eigentlech no für 3 Wuche uf Schottland gange. Wiui vom Reise und de vile IIdrück aber scho chli erschöpft bi gsi, hani mi entschide, ds uf nes angers mau zverschiebe, und verfrüet zrügg id Schwiz zreise. Ds isch iz scho es bizli her, und Zyt zum Erlebnis verarbeite, usruie und eifach wider mit Fründe zkäfele tuet mr mega guet.




Zum Schluss hani denkt gits hie no e chliini Kunstussteuig vo de Biuder, woni mit mim chline Reise-Wasserfarbe-Set ungerwegs gmalet ha :)




Amsterdam











Amsterdam










Stockholm




















Stockholm

Amsterdam

Tromsø

Tromsø
Bodø
















und aus chlini random Zuegab no es paar Fotis, woni eigentlech scho i mim Stockholm-Biitrag ha wöue ufelade. I ha amne Aabe ir Stadt Fröid gha, mit Langzytbeliechtig umezspile, und finde, es si es paar zimlech luschtigi Biuder drbi usecho.







ha flügendi tierli gfunde...

...und es paar Dinos ;)








Es het mi gfröit, mini erschte Solo-Reise-Erläbnis zteile mit wem ou immer de Blog aaluegt. Merci fürs Läse!


Ä liebe Gruess und bis glii,

Joanna







































26 Ansichten0 Kommentare

Aktuelle Beiträge

Alle ansehen

Comments


bottom of page